اسلام آباد ۔ 13 جون (اے پی پی) مسلم لیگ(ن) دے رہنما حنیف عباسی عمران خان اتے جہانگیر ترین دے خلاف کیس دی سماعت دے بعد سپریم کورٹ دے باہروں میڈیا نال گالھ مہاڑ کریندے ہوئیں آکھیا ہے جو عمران خان دے وکیل ججاں دے سامنڑے ایں ضد تے اڑیے ہوئے ہن جو اساں تلاشی کائناں ڈیسون،اساڈے اکاونٹس الیکشن کمیشن،ہائی کورٹ اتے سپریم کورٹ ترائی چیک نی کروا سگدے ۔انہاں آکھیا جو انہاں تے جیرھے مقدمے دائر ہن انہاں اچ کہیں وی ہک مقدمے دا جواب ڈیونڑ توں قاصر ہن انہاں آکھیا جو جمائمہ ولوں آونڑ آلی منی ٹریل عدالت اچ کائنی پجی انہاں صرف عمران خان دے آکھنڑ تے ٹویٹ کیتا ہئی جو منی ٹریل انہاں ولوں عمران خان کوں ڈتی گی ہے تاں جو عوام کوں گمراہ کر سگن انہاں آکھیا جو انہاںاپنڑی 35 سالہ سیاست اچ عمران خان جیہوجا کوڑا تے بد کردار بندہ کائنی ڈٹھا۔انہاں آکھیا جوعمران خان کوں فارن فنڈنگ،آف شور کمپنیاں جیں اچ انہاں دیاں بھینڑیں تے دوستاں دا ناں ہے ،بنی گالہ سمیت سارے مقدمے دا جواب ڈیونڑاں ہوسی انہاں توں وی احتساب تھیسی جیں سانگے او تیار تھی ونجن ۔
