اسلام آباد ۔ 16 جون (اے پی پی) وزارت مذہبی امور حج فلائٹ شیڈول دی تیاری داآغاز کرڈتا ہے ۔ حج پروازاں 27جولائی توں شروع تھیسن ۔ ذرائع دا آکھنڑ ہے جو وزارت مذہبی امور سرکاری اتے پرائیویٹ سکیماں وچال کوٹے دی ونڈ دے حوالے نال عدالتی فیصلے آونڑ دے بعد ویٹنگ لسٹ اچ موجودسرکاری سکیم دے کامیاب درخواست گزاراں کوں مبارک باد دے خط بیجے ہن ۔ ایندے نال نال حج فلائٹ شیڈول دی تیاری دے مرحلے دا وی آغاز کر ڈتا گیا ہے ۔توقع ہے جو آندے ہفتے اچ حج فلائٹ شیڈول تیارکرگھدا ویسی ۔حج پالیسی دے تحت حج پروازا ں داآغاز آندے مہینے 27جولائی توں تھیسی جیرھا جو ہک مہینے تئیں جاری رہ ویسی۔
