اسلام آباد ۔ 13 جون (اے پی پی) وزیراعظم دے معاون خصوصی برائے سیاسی امور ڈاکٹر آصف کرمانی آکھے جو وزیراعظم محمد نواز شریف مسلم لیگ (ن) دے کارکناں کوں 15 جون کوں جوڈیشل اکیڈمی اسلام آباد آونڑ توں روک ڈے ۔ منگل کوں آپنڑیں ہک بیان اچ ڈاکٹر آصف کرمانی آکھیا جو وزیراعظم کو ں پتہ ہئی جو مسلم لیگی کارکن انہاں دی جوڈیشل اکیڈمی آمددے موقعے تے انہاں نال اظہار یکجہتی کیتے آونڑاں چاہندے ہن ۔ وزیراعظم آکھیا جو (ن) لیگی کارکن پارٹی دا عظیم سرمایہ ہن اتے او انہاںد ے جذبات دی قدر اتے انہاں دا شکریہ ادا کریندے ہن ۔ ڈاکٹر آصف کرمانی دے مطابق وزیراعظم کارکناں دے ناں آپ دے سنیہے اچ بیا آکھیا جو کارکن میکوں آپ دیاں دعاواں اچ یاد رکھن ۔
