اسلام آباد ۔ 16 جون (اے پی پی) وفاقی وزیر خزانہ دا افغان سرحد نال طورخم اتے چمن دے مقام بارڈر کراسنگ کمپلیکس دی تعمیر دے ترقیاتی کماں تے پیشرفت تے اطمینان دا اظہارکریندیں ہوئیں آکھیا جو سارے محکمے منصوبیاں دی ویلھے تے تکمیل کوں یقینی بنڑاونڑ جئیں نال علاقائی تجارت کوں فروغ ملسی۔او جمعہ کوں ایں بارے ہک جائزہ اجلاس دی صدارت کریندے پئے ہن ۔اے کمپلیکسز ٹرانزٹ ٹریڈ مینجمنٹ سسٹم دا حصہ ہن ۔ایں موقع تے سیکرٹری خزانہ، سیکرٹری اقتصادی امور ڈویژن، کوارٹر ماسٹر جنرل آف پاکستان آرمی، کنٹری ڈائریکٹر ایشیائی ترقیاتی بینک، ڈائریکٹر جنرل این ایل سی، پراجیکٹ ڈائریکٹر آئی ٹی ٹی ایم ایس اتے بئے متعلقہ سینئر حکام وی موجود ہن ۔
