راولپنڈی ۔ 20 جولائی (اے پی پی) سکیورٹی فورسز ولوں دہشت گرداں دے خلاف جاری آپریشن خیبرفور اچ ہنڑ تئیں13دہشت گرد ہلاک،6زخمی تھےےن۔پاک فوج دے تعلقات دے شعبہ آئی ایس پی آر ولوں خمیس کوں جاری بیان دے مطابق آپریشن خیبر فور دے ضمن اچ منصوبے دے مطابق پیش رفت جاری اے اتے مختلف پاسوں فوجیاں جنہاں اچ سپیشل سروسز گروپ دے فوجی وی شمال ہن ،پیش قدمی جاری رکھیندیں ہوئیں 90مربع کلومیٹر دا علاقہ کلیئرکر ڈتے اتے ہنڑ دہشت گرداں دے گرد گھیرا تنگ کیتا ویندا پئے ۔بیان دے مطابق فائرنگ دے تبادلے اچ سپاہی عبدالجبار آپنڑی جان وطن تے نچھاور کر ڈتی۔بیان دے مطابق آپریشن ردالفساد دے حصے دے طور آپریشن خیبر فور جاری اے۔
