اسلام آباد۔ 20 جولائی (اے پی پی) دفتر خارجہ دے ترجمان آکھیا جو افغان مسئلے دا کوئی فوجی حل ممکن کائنی،پاکستان افغانستان اچ مصالحتی عمل کوں بہوں اہمےت ڈیندے،پاکستان آپنڑی سرزمین توں دہشت گردی کوں منڈھوں پٹنڑ سانگے پر عزم اے،بھارت دے جارحانہ اقدامات نال جنوبی ایشیاءاچ امن تے سلامتی کوں شدید خطرات لاحق ہن۔پاکستان بھارت نال کشمیر سمیت سارے مسئلے گالھ مہاڑ نال حل کرنڑ تے یقین رکھیندے،پاکستان مسئلہ کشمیر تے ثالثی دی غرض نال چین سمیت عالمی برادری دی کوششاں دا خیرم مقدم کریندے۔خمیس کوں ہفتہ وار پریس بریفنگ اچ صحافیاں دے مختلف سوالاں دا جواب ڈیندیں ہوئیں انہاں آکھیا جو افغانستان اچ امن بارے پاکستان دی پالیسی نشابر اے۔پاکستان ایں گالھ تے یقین رکھیندے جو افغان مسئلے دا کوئی فوجی حل ممکن کائنی ۔اے مسئلہ صرف سیاسی گالھ مہاڑ نال حل تھی سگدے۔
