اسلام آباد ۔ 24 مئی (اے پی پی) پاکستان مسلم لیگ (ن) دیاں تریمت رہنماواں مشترکہ تحقیقاتی ٹیم دے سامنڑے مریم نواز دی پیشی دے موقع تے انہاں نال یکجہتی دا اظہار کریندے ہوئیں آکھیا ہے جوپاکستان مسلم لیگ (ن) پاناما کیس اچ سرخرو تھیسی ۔ بدھ کوں جوڈیشل اکیڈمی دے باہروں میڈیا نال گالھ مہاڑ کریندے ہوئیں چیئرمین بینظیر بھٹو انکم سپورٹ پروگرام ماروی میمن آکھیا جو پانامہ لیکس بارے کوئی ثبوت موجود کائنی تے پاکستان مسلم لیگ ن دی قیادت ساریاں عدالتاں اچ سرخرور تھیسی ۔ انہاں عدالتاں دے بعد عوامی عدالت اچ وی پاکستان مسلم لیگ (ن) کامیابی حاصل کریسی ۔ پارلیمانی سیکرٹری برائے کیڈ مائزہ حمید آکھیا جو مریم نواز تے کوئی الزام کائنی تاں جو او ولا وی انہاں خود کوں احتساب سانگے مشترکہ تحقیقاتی ٹیم دے سامنڑے پیش کیتا۔ انہاں آکھیا جو مخالفین ترقی دا رستہ روکنڑ چاہندے ہن ۔ احتساب دے ناں تے وزیراعظم نواز شریف تے انہاں دے بالاں کوں مشترکہ تحقیقاتی ٹیم اچ سڈیا ویندا پیا ہے جیں بارے انہاں ڈے کوئی ثبوت وی موجود کائنی ۔
