اسلام آباد ۔ 5 جولائی (اے پی پی)پاکستان مسلم لیگ ن دے رہنما ،ایم این اے کیپٹن(ر) محمد صفدر آکھیا ہے جو وزیراعظم نواز شریف ہر میدان وانگوں جے آئی ٹی اچ وی سرخرو تھی ویسن سازشاں انہاں دا رستہ نی روک سگدیاں ،عمران خان ڈوجھیں دے دھیریں تے الزام لیندے ہن لیکن انہاں کوں اپنڑی دھی ٹیرن کوں سایہ فرہم کرنڑاں چاہیدا ہے ،روز قیامت ایں بارے عمران خان کیا جواب ڈیسن ۔او بدھ کوں فیڈرل جوڈیشل اکیڈمی دے باہر وںمریم نواز دی جے آئی ٹی آمد دے موقع تے میڈیانال گالھ مہاڑ کریندے پے ہن ۔کیپٹن(ر) صفدر آکھیا جو مریم نوا ز دے ڈاڈے دا وی احتساب کیتا گیا ہے انہاں دے والد تاں دا احتساب تاںغلام اسحاق دے دور توں شروع تھیا ہئی ‘دور آمریت اچ وی وزیراعظم محمد نواز شریف کڑا احتساب کیتا گیا لیکن ہک پائی دی کرپشن ثابت کائنی تھی ۔انہاں آکھیا جو مریم نواز قائدا عظم دی ریاست کو ںبچاونڑ سانگے اج جے آئی ٹی دے سامنے پیش تھی ہے ۔انہاں آکھیا وزیراعظم محمد نواز شریف دے ہتھ صاف ہن اگر 12اکتوبردا اقدام انھاں کوں پاکستان دی خدمت توں نی روک سگدی تاں مخالفین وی سنڑ گھنن انہاں دی کوئی چال کامیاب کائناں تھیسی ۔
