سیالکوٹ۔ 19 جولائی (اے پی پی) وزیر اعظم محمد نواز شریف آکھیا جو میں تے بہتان اتے الزام تراشی کرنڑ آلے ،مندے اتے گندی زبان استعمال کرنڑ آلیاں کوں قوم 2018ءدے عام انتخابات اچ اوندا جواب ضروری ڈیسی،ایڈوں اُوڈوں دی سازشاں کرتے وزیراعظم بنڑنڑ آلیاں کوں عوام ولا ولا مسترد کیتے،پاکستان کوں ایٹمی طاقت بنڑایا ہنڑ معاشی طاقت بنڑیسوں،ترقی دے مخالف اساں جھنگاں نہ چھکین اتے پاکستان کوں اگوں ودھنڑ ڈیون۔او بدھ کوں اتھاں سیالکوٹ اچ وزیر پانڑی تے بجلی خواجہ محمد آصف دی رہائش گاہ تے پارٹی کارکناں نال خطاب کریندے پئے ہن ،ایں موقع تے وفاقی وزرائ،اراکین قومی تے صوبائی اسمبلی دی وڈی تعداد وی موجود ہئی۔کارکناں وزیراعظم دے حق اچ پرجوش نعرے لاتن ۔وزیراعظم آپنڑے خطاب اچ آکھیا جو خواجہ آصف دے والد میڈے وڈے محسن اتے ہک سچے انسان ہن ۔خواجہ آصف وی انہاں خوبیاں دے مالک ہن ،او میڈے بااعتماد اتے وفادار ساتھی ہن ۔ایہو جیہا عوامی نمائندہ مسلم لیگ ن سانگے اہمےت رکھیندے۔انہاں آکھیا جو خواجہ آصف کوں ہفتہ اتوار آپنڑے حلقہ اچ ونجنڑاں ہوندے۔دعا اے جو ہر حلقہ اچ ایجھے نمائندے ہوون ۔انہاں آکھیا جو سویلے میں ایئرپورٹ تے لتھاں تاں میڈے نال گاڈی اچ خواجہ آصف توں انج منشاءاللہ اتے ڈپٹی میئر ہن ،گالھیں کریندیں ہوئیں انہاں دی اکھیں اچوں ہنجوں نکل آئے ۔انہاں آکھیا جو میڈا احتساب تھیونڑ ڈیو،گھٹ توں گھٹ اے کم تاں شروع تھیوے،اساڈی ترائے نسلاں دا حساب گھدا ویندا پئے،میکوں ایندی فکر کائنی ،اگر اج میڈا تھینداپئے تاں کل انہاں دا وی تھیسی۔نواز شریف دا احتساب ضرور کرو پر اے تاں ڈساﺅ جو احتساب کیڑھی چیز دا کریندے پئیو۔
