اسلام آباد ۔ 27 جولائی (اے پی پی) پاکستان مسلم لیگ ن دے رہنماء حنیف عباسی عوامی مسلم لیگ دے سربراہ شیخ رشید احمدولوں عدالت عظمیٰ دے جج صاحبان کو ںارباں روپے دی پیشکش دے الزام متعلق ریمارکس تے سپریم کورٹ توں ازخود نوٹس گھننڑ دا مطالبہ کیتا ہے ۔خمیس کوں اتھاں میڈیا نال گالھ مہاڑ کریندے ہوئیں انہاں آکھای جو شیخ رشید احمد اپنڑے اجوکے ریمارکس اچ الزام لاتا ہے جو عدالت عظمی دے پنج جج صاحباں کوں ارباں روپے دی رشوت دی پیشکش تھی ہے عدالت عظمی کوں شیخ رشید دی ایں گالھ دا نوٹس گھننڑاں چاہیدا ہے تے تحقیقات کرنڑیں چاہیدی ہے جو ایں طرح دی پیشکش کیں کیتی ہے ۔حنیف عباسی آکھیا جو کہیں اچ اتنی جرات کائنی جو آزاد عدلیہ کوں خرید سگے ۔ایں سانگے ایں صورت حال دے تناظر اچ عدالت عظمی کوں شیخ رشید دے الزام دی تحقیقات کرنڑیں چاہید ی ہے ۔منشیات استعمال کرنڑ آلا قوم دی رہنمائی نی کر سگدا ۔انہاں آکھیا جو انہاں دے خاندان کڈاہیں وی کہیں توں چندہ یا عطیہ کائنی گھدا بلکہ ایندے بر عکس اساں ہمیشہ عطیے ڈتے ہن عمران خان کوں نتھیا گلی تے چترال اچ لکنڑ دی بجائے عدالتاں دا سامنڑاں کرنڑاں چاہیدا ہے ۔حنیف عباسی آکھیا جو عمران خان دیانت تے اوصاف توں خالی ہن ۔انہاں آکھیا جو اتوار دے ڈینھ برطانیہ نال تعلق رکھنڑ آلے اکائونٹس عمران خان دے اکائونٹس متعلق خفیہ معلومات دی تفصیل بارے ڈسیسوں ۔حنیف عباسی آکھیا جو عمران خان اپنڑی دھی دا اعتراف کرن انہاں کوں دھی من گھنے ،منشیات دے استعمال دا ٹیسٹ ڈیون تے قوم دے سامنڑے ثابت کرن جو انہاں کڈاہیں جوا کائنی کھیڈیا ۔
