درخواست گذار ولوں دائرہ اختیار چیلنج کرنڑ دے معاملے تے اکبر ایس بابرتوں 19جولائی تئیں جواب منگ گھدا
اسلام آباد ۔ 10 جولائی (اے پی پی) چیف الیکشن کمشنر جسٹس (ر) سردار محمد رضا دی سربراہی اچ 5رکنی بنچ تحریک انصاف دے سربراہ عمران خان دے خلاف توہین عدالت کیس تے محفوظ فیصلہ موخر کرڈتا ‘پنج رکنی بنچ درخواست گذار ولوںدائرہ اختیار چیلنج کرنڑ دے معاملے تے اکبر ایس بابر توں 19جولائی تئیں جواب منگ گھدا ہے ۔ سنوار کوں الیکشن کمیشن اچ چیف الیکشن کمشنر جسٹس (ر) سردار محمد رضا دی سربراہی اچ 5 رکنی بنچ پی ٹی آئی دے سربراہ عمران خان دے خلاف توہین عدالت کیس دی سماعت کیتی۔ عمران خان دے وکیل ڈاکٹر بابر اعوان اپنڑاںوکلالت نامہ داخل کرایا جیں تے توہین عدالت کیس اچ محفوظ فیصلہ موخر کر ڈتا گیا۔ عمران خان ولوں الیکشن کمیشن دا دائرہ اختیار چیلنج کرنڑ دی درخواست تے اکبر ایس بابر توں جواب طلب کر یندے ہوئیں سماعت 19جولائی تئیں ملتوی کر ڈتی گی۔گذریل سماعت تے چیف الیکشن کمشنر جسٹس (ر) سردار محمد رضادی سربراہی اچ 5رکنی بنچ عمران خان ولوں واضح جواب داخل نہ کراونڑ تے واضح کیتا ہئی جو آندی تاریخ تے محفوظ فیصلہ سنڑا ڈتا ویسی ۔
