تیمر گرہ اتے شیروتگائی اچ سکیورٹی فورسز دے اپریشن اچ میجر سمیت پاک فوج دے 4 جوان شہید تھی گن ، ہک دہشت گرد ہلاک، ڈوجھا گرفتار کرگھدا گیا، آئی ایس پی آر

راولپنڈی ۔ 9 اگست (اے پی پی) تیمر گرہ اتے شیروتگائی اچ سکیورٹی فورسز دے دہشت گرداں دے خلاف انفارمیشن بیسڈ آپریشن دے دوران فائرنگ دے تبادلے اچ میجر سمیت پاک فوج دے4 جوان شہید تھی گن ‘پاک فوج دے جواناں دی فائرنگ نال ہک دہشت گرد ماریاگیا جڈاں جو ہک دہشت گرد کو ںگرفتار کرگھدا گیا۔ پاک فوج دے شعبہ تعلقات عامہ (آئی ایس پی آر) دے مطابق میجر علی سلیمان اپنڑی ٹیم دے نال شیر و تگائی تے تیمر گرہ اچ خفیہ ٹھکانڑیں اچ ڈو مشتبہ لوکاں دی موجودگی دی اطلاعات تے انفارمیشن بیسڈ اپریشن کیتا جیں اچ دہشت گرداں نال فائرنگ دا تبادلہ تھیا۔ فائرنگ دے تبادلے اچ ہک دہشت گرد ماریا گیا جڈاں جو ڈوجھے کوں گرفتار کر گھدا گیا فائرنگ دے تبادلے اچ میجر علی سلمان ‘ حوالدار غلام نذیر ‘ حوالدار اختر اتے سپاہی عبدالکریم شہید تھی گن۔