سی پی منصوبے پہلی ترجیح ہن ،توانائی بنیادی ڈھانچے ،ریلوے تے بئے شعبے دے منصوبیں تے پیشرفت دی ذاتی طور تے نگرانی کریندا پیاں ،
اسلام آباد ۔ 15 اگست (اے پی پی)وزیر اعظم شاہد خاقان عباسی آکھیا ہے جو سی پی منصوبے پہلی ترجیح ہن ،توانائی بنیادی ڈھانچے ،ریلوے تے بئے شعبے دے منصوبیں تے پیشرفت دی ذاتی طور تے نگرانی کریندا پیاں۔انہاں اے گالھ سی پیک بارے اچ پارلیمانی کمیٹی دے چیئر مین سینیٹر مشاہد حسین سید نال گالھ مہاڑ کریندے ہوئیں آکھی جنہاں منگل کوں وزیراعظم آفس اچ انہاں نال ملاقات کیتی تے سی پیک بارے اچ پارلیمانی کمیٹی دی رپورٹ وزیراعظم کوں پیش کیتی ۔سینیٹر مشاہد حسین سید وزیر اعظم کوں وزارت عظمی دا عہدہ سنبھالنڑ تے مبارخ ڈتی ،وزیراعظم آکھیا جو سی پیک نہ صرف پاکستان بلکہ پورے خطے سانگے گیم چینجر ہے ۔وزیراعظم سی پیک منصوبہ جات تے قومی اتفاق رائے پیدا کرنڑ اچ سی پیک بارے اچ پارلیمانی کمیٹی دے کردار کوں سراہیا ۔
