اسلام آباد۔ 18 اگست (اے پی پی) وزیراعظم شاہد خاقان عباسی دی قومی صحت پروگرام کوں ملک دے سارے حصیاں تئیں ودھاونڑ سانگے جامع حکمت عملی بنڑاونڑ دی ہداےت کیتی اے۔وزیراعظم نویاں دوائیں دی رجسٹریشن اتے نرخاں دے تعین دی پالیسی سانگے انضباطی طریقہ کار کوں سادہ بنڑاونڑ دی ہداےت وی کیتی تانجو صارفین اتے دوائیں بنڑاونڑ آلیاں کوں ہکو جیہے فائدے ملن۔وزیراعظم ایں بارے جامع سفارشات بنڑا کراہیں اونکوں کابینہ دے سامنڑے پیش کرن اتے ضروری قنون سازی دی وی ہداےت کیتی تانجو ملک اچ دوائیں دے ضابطہ کاری دے طریقہ کار بارے مسئلیاں نال نبڑیا ونج سگے۔مختلف دوائیں دی رجسٹریشن دے نرخاں دا تعین اچ دیری دا نوٹس گھندیں ہوئیں وزیراعظم پھتے ہوئے کیس نبیڑنڑ سانگے درخواست کوں چووی گھنٹیاں دے اندر روڈمیپ،جئیں اچ ایں بارے نظام الاوقات دا تعین ہووے پیش کرنڑ دی ہداےت کیتی۔وزیراعظم اے ہداےت جمعہ کوں وزیراعظم ہاﺅس اچ وزارت قومی صحت تے خدمات بارے اجلاس دی صدارت کریندیں ہوئیں ڈتی۔اجلاس اچ وفاقی وزیر سائرہ افضل تارڑ اتے بئے سینئر افسر شریک تھےے۔ وفاقی وزیر قومی صحت تے خدمات سائرہ افضل تارڑ وزیراعظم کوں بریفنگ ڈیندیں ہوئیں ڈسایا جو خصوصی طور گزریل ڈو سالیں اچ حکومت صحت بارے مختلف شعبیاں اچ وڈی اصلاحات متعارف کروائی ہن جنہاں اچ دوائیں دے نرخاں دے تعین سانگے جامع ڈرگ پالیسی دی تیاری،وزیراعظم دے قومی صحت پروگرام دا آغاز،بالاں کوں خطرناک اتے مہلک بیماریاں توں بچاونڑ دے توسیعی امیونزائزیشن پروگرام دے دائرہ کاراچ توسیع،ملک اچ پولیو دے کیساں اچ گھٹکی وغیرہ شامل ہن۔
