اسلام آباد ۔ 14 ستمبر (اے پی پی) الیکشن کمیشن آف پاکستان قومی اسمبلی دے حلقہ این اے 120 دے ضمنی انتخابات سانگے پولنگ دے دوران شکایتاں دے اندراج سانگے کنڑول روم قائم کر ڈتا ہے ۔اے کنٹرول روم الیکشن کمیشن آف پاکستان دے سیکرٹریٹ اچ قائم کیتا گیا ہے ۔ الیکشن کمیشن آف پاکستان دے ذرائع دے مطابق کنٹرول روم ایڈیشنل ڈائریکٹر جنرل (الیکشن) دی نگرانی اچ قائم کریسی جیرھا جو ضمنی انتخابات دے ابتدائی نتیجے دی وصولی دے نال نال انتخابی بے ظابطگیاں دی شکایت وصول کریسی ۔ ذرائع ڈسایا جو الیکشن کمیشن آف پاکستان این اے 120 لاہورIII- دے ضمنی انتخابات دی مہم دے دوران ضابطہ اخلاق دی خلاف ورزی متعلق ساریاں شکایتاں کوں وختی نبیڑ ڈتا ہے اتے متعلقہ حکام کوں ہدایت وی جاری کر ڈتیاں ہن ۔
