اسلام آباد ۔ 23 ستمبر (اے پی پی) وزیرخارجہ خواجہ محمد آصف آکھیا جو امریکہ اتے خطے دے ملکاں کوں مقبوضہ کشمیر اچ بھارتی فوج دی انسانی حقوق دی خلاف ورزیاں بند کراونڑ اچ آپنڑاں کردار نبھاونڑاں چاہیدے۔ریڈیو پاکستان دے مطابق ہک انٹرویو اچ انہاں آکھیا جو پاکستان خطے اچ دیر پا امن سانگے بھارت نال مذاکرات دی خواہش رکھیندے،جڈانجو پہلے بھارت کوں ورکنگ باﺅنڈری تے اشتعال انگیز کاروائیاں بند کرنڑی چاہیدن ۔ہک سوال تے انہاں آکھیا جو پاکستان اچ دہشت گردی دے خاتمے تئیں ایں ناسور دے خلاف جنگ جاری رہسی۔
