اسلام آباد ۔ 15 ستمبر (اے پی پی) چیئرمین سینیٹ میاں رضا ربانی آکھیا ہے جو حکومت ایوان بالا دی سفارشات تے عمل در آمد دے حوالے نال ڈو مہینے اچ رپورٹ پیش کریندی ہے ۔جمعے کوں ایوان بالا اچ شری رحمان ولوں چاتے گے عوامی اہمیت دے حامل معاملے تے جواب ڈیندے ہوئیں چیئر مین سینیٹ آکھیا جو عوامی اہمیت دے معاملات جواب سانگے وزارتاں کوں بھیجے ویندے ہن انہاں دے جواب ہک یا ڈو ڈینھ اچ آرڈرآف دی ڈے تے لگ ویندے ہن تے حکومت دا جواب آ ویندا ہے ۔ وفاقی حکومت ایوان بالا دی سفارشات تے ڈو مہینے دے اندر عمل در آمد کرتے رپورٹ ڈیندی ہے ۔ انہاں سینیٹر شیری رحمن کوں آکھیا جو او قواعد دا مطالعہ کرن۔ایندے توں پہلے شیری رحمن آکھیا جو بلوچستان اچ گوادر دے عوام کوں پیونڑ دے صاف پانڑیں دی فراہمی یقینی بنڑائی ونجے تے مچھیریں کوں تربیت ڈتی ونجے ۔
