اسلام آباد ۔ 20ستمبر (اے پی پی) وزیر مملکت بجلی عابد شیر علی آکھیا ہے جو موبائل ریڈنگ دا کم پورے ملک اچ جاری ہے تے 93فیصد پورا تھی گیا ہے ،اے کم 15نومبر تئیں پورا کر گھدا ویسی ۔بدھ کوں قومی اسمبلی اچ ساجد نواز دے پشاور اچ وارسک ون اتے ٹو گل بیلہ‘ ناکمان اتے ہریانہ فیڈراں توں صارفین دے بجلی دے بلاں اچ میٹر ریڈنگ دی تصویر موجود نہ ہوونڑ تے زائد بلنگ متعلق توجہ مبذول نوٹس دا جواب ڈیندے ہوئیں وزیر مملکت عابد شیر علی آکھیا جو پورے ملک اچ موبائل میٹر ریڈنگ دا کم جاری ہے ۔ایں سلسلے اچ 93فیصد کم پورا تھی گیا ہے ۔جیرھے علاقیں دی نشاندہی کیتی گی ہے اتھاں کم تھیونڑاں باقی ہے ۔اے کم 15نومبر تئیں پورا کر گھدا ویسی ۔
