نیویارک ۔ 21 ستمبر (اے پی پی) وزیراعظم پاکستان شاہد خاقان عباسی ا اتے نیپال دے وزیراعظم شیر بہادر دیوباوچال ملاقات نیویارک اچ تھئی۔ڈوہیں رہنماﺅاں مختلف شعبیاں خصوصی طور تجارت اتے سیاحت اچ ڈوپاسہ تعاون کوں بئیا ودھاونڑ سانگے آپنڑے عزم دا اعادہ کیتے۔ایں موقع تے وزیراعظم شاہد خاقان عباسی ڈوہیں ملکاں وچال خوشگوار اتے دوستانہ تعلقات دا حوالہ ڈتا۔انہاں نیپال اچ اجوکے سیلاب اتے لینڈ سلائیڈنگ دے نتےجے اچ تھیونڑ آلے ضیان تے نیپال دی حکومت اتے عوام نال یکجہتی دا اظہار کیتا اتے آکھیا جو پاکستان ایں قدرتی آفت دے اثرات نال نبڑنڑ سانگے نیپال کوں مالی معاونت ڈینداپئے ۔انہاں اسلام آباد اچ آندے سارک سمٹ دے انعقاد بارے حماےت ڈیونڑ تے نیپال دا شکریہ ادا کیتا اتے سارک کوں خطہ دے عوام دے مفاد اچ کامیاب فورم بنڑاونڑ سانگے پاکستان دے عزم دا اعادہ کیتا۔وزیراعظم شاہد خاقان عباسی آپنڑے نیپالی ہم منصب کوں دورہ پاکستان دی دعوت وی ڈتی۔نیپالی وزیراعظم شاہد خاقان عباسی دے جذبات دا خیرم مقدم کریندیں ہوئیں انہاں کوں دورہ نیپال دی وی دعوت ڈتی۔
