اقوام متحدہ ۔ 18 ستمبر (اے پی پی) وزیراعظم شاہد خاقان عباسی اقوام متحدہ دی جنرل اسمبلی دے 72ویں اجلاس اچ شریک تھیونڑ سانگے نیو یارک پج گئے ،وزیراعظم 21ستمبر کوں اقوام متحدہ دی جنرل اسمبلی توں خطاب کریسن،آپنڑے خطاب اتے عالمی رہنماواں نال ملاقاتاں اچ پاکستان دی دہشت گردی دے خلاف کامیابیاں اتے خطے سمیت عالمی سطح تے قیام امن سانگے پاکستان دی کوششاں تے روشنی پیسن۔وزیراعظم شاہد خاقان عباسی جیڑھے جو پاکستان دے وفد دی قیادت کریندے پئن ،جنرل اسمبلی نال آپنڑی خطاب اچ دنیا کوں اے ڈسیسن جو انہاں دا پاکستان کوں خوشحال اتے ترقی یافتہ بنڑاونڑ سانگے کیا وژن اے،اتے پاکستان مختلف چیلنجز نال کینویں نبڑداپئے ۔اقوام متحدہ دی جنرل اسمبلی دا باقاعدہ اجلاس 12ستمبر توں شروع اے ،19ستمبر کوں ایں اچ جنرل بحث شروع کیتی ویسی جئیں دا مرکزی تھیم،عوام تے توجہ،امن دی گول اتے ساریاں سانگے مہذب زندگی اے۔ایں بحث وچ 100توں ودھ عالمی رہنماءحصہ گھنسن۔وزیراعظم 21ستمبر کوں اقوام متحدہ دی جنرل اسمبلی توں خطاب کریسن۔
