اسلام آباد ۔ 7 ستمبر (اے پی پی) وفاقی وزیر داخلہ احسن اقبال آکھیا ہے جو دہشت گردی دے خلاف پاکستان دیاں قربانیاں بے مثال ہن۔بین الاقوامی برادری کوں پاکستان دیاں قربانیاں دا اعتراف کرنڑاں ہوسی ،اساڈ ا نصب العین پاکستان تے خطے دے امن دے عمل کوں مستحکم کرنڑاں ہے ،پاکستان دا نواں چہرہ ابھر دا پیا ہے ،اقتصادی تعلقات دا ودھارا چاہندوں ۔انہاں اے گالھ برطانوی ہائی کمشنر تھامس ڈریو نال خمیس کوں اتھاں ملاقات کریندے ہوئیں آکھی ۔وزارت داخلہ توں جاری بیان دے مطابق ڈوہیں ملکاں وچال کثیر الجہتی امور زیر بحث آئے ۔وزیر داخلہ آکھیا جو پاکستان تے برطانیہ وچال پرانڑیں تے تاریخی تعلقات ہن ،برطانیہ اچ رہنڑ آلے پاکستانی ڈوہیں ملکاں وچال تعلقات کوں مضبوط کرنڑ دا ذریعہ ہن ۔ برطانوی ہائی کمشنر دہشت گردی دے خلاف جنگ اچ پاکستان دے قانون نافذ کرنڑ آلے اداریں دیاں قربانیاں کوں سراہیا ۔ انہاں آکھیا جو برطانیہ اپنڑے کہیں وی شہری کوں ڈوجھے ملک اچ انتشار کھڈاونڑ دی اجازت کائنی ڈے سگدا ۔
