اسلام آباد ۔ 19 ستمبر (اے پی پی) سندھ دے گورنر محمد زبیر آکھیا ہے جو کراچی اچ تعمیراتی منصوبے دے پورے تھیونڑ تے 75ارب روپے خرچ کیتے ویندے پے ہن ،اقتصادی راہداری منصوبے دے پورا تھیونڑ نال پاکستان تے چین وچال دوستانہ تعلقات اچ مزید ودھارا تھیسی ،گوادر اچ تعمیراتی منصوبیںدے نتیجے اچ علاقے اچ خوشحالی نال لوک بہوں خوش تے مطمئن ہن ۔گورنر سندھ آکھیا جو چین پاکستان اقتصادی راہداری ملک اچ خوشحالی دی نویں تاریخ رقم کریسی ،پاکستان تے چین وچال کئی سالاں پرانڑیں تعلقات ہن ۔سی پیک نال ڈوہیں ملکاں دی یاری بئی پکی تھی ویسی ۔گورنر سندھ پولیس متعلق آگاہی مہم تے پرے دے علاقیں اچ ٹیماں دی رسائی تے زور ڈیندے ہوئیں آکھیا جو والدین اپنڑے پنج سال تئیں دے بالاں کوں پولیو دے قطرے پلواونڑ سانگے پولیو دیاں ٹیماں نال تعاون کرن تاں جو کئی وی بال پولیو دے قطرے پیونڑ توں رہ نہ ونجے۔
