اسلام آباد ۔ 21ستمبر (اے پی پی) وزیر مملکت توانائی عابد شیر علی آکھیا ہے جو گزریل 5سال دے دوران 7750میگاواٹ بجلی سسٹم اچ شامل تھی ،2019تئیں فرنس آئل نال چلنڑ آلے سارے توانائی منصوبیں کوں بئے ذرائع تے منتقل کر ڈتا ویسی تاں جو سستی بجلی حاصل تھی سگے ،‘ نیلم جہلم منصوبے دی پہلی ٹربائن مارچ جڈاں جوپوری بجلی دی پیداوار جون 2018اچ شروع تھی ویسی ۔ خمیس کوںقومی سمبلی اچ وقفہ سوالات دے دوران شیخ صلاح الدین دے سوال دے جواب اچ وزیر مملکت توانائی عابد شیر علی ڈسایا جو حکومت بجلی بحران تے قاپو پاونڑ سانگے مخلصانہ تے چنگے انداز اچ کوششاں کیتیاں ہن ،ہنڑ سسٹم اچ اساڈے دور اچ ست ہزار 750میگاواٹ بجلی تھی ہے ۔ہنڑ 2014اچ 13ہزار دے مقابلے اچ 2017اچ 20ہزار میگاواٹ بنجلی دی پیداوار تجاوز کر گی ہے ۔ہنڑ شہری علاقیں اچ دو گھنٹے تے دیہاتی علاقیں اچ چار گھنٹے دے لوڈ شیڈنگ ہے ۔نومبر دسمبر اچ مزید بجلی سسٹم اچ آ ویسی ۔
