اسلام آباد ۔ 13 اکتوبر (اے پی پی) سابق وزیر اعظم نواز شریف دی صاحبزادی مریم نواز احتساب عدالت اچ پیش آونڑ آلے واقعے کوں افسوس ناک قرار ڈیندے ہوئیں وزارت داخلہ توں ایندی تحقیقات کراونڑ دامطالبہ کیتا ہے۔جمعے کوں احتساب عدالت اچ پیشی دے بعد میڈیا نال گالھ مہاڑ کریندے ہوئیں انہاں آکھیا جو اگر وکیلاں ڈے وی عدالت اچ داخلے دی اجازت ہئی تاں ایندے باوجود انہاں کوں اندر کائنی ونجنڑ ڈتا گیا تاں اے بہوں افسوسناک گالھ ہے ۔مریم نواز مزید آکھیا جو میڈا خیال ہے جو وکیلاں دے نال دھکم پیل وی کیتی گی جیں تے میکوں بہوں افسوس تھیا ہے ،اینویں نی ہوونڑاں چاہیدا ،میڈی وزارت داخلہ توں درخواست ہے جو او واقعے دے تحقیقات کراوے تے اے سارا کجھ کیں کیتا ہے تے ایندے پچھوں کیا مقصد ہئی ۔
