اسلام آباد ۔ 19 اکتوبر (اے پی پی) وزیر مملکت داخلہ طلال چوہدری آکھیا ہے جو سابق وزیر اعظم اتے انہاں دے خاندان دے لوکاں دی ا حتساب عدالت اچ پیشی دی موقع تے سیکورٹی ساریں توں اہم تے ضروری معاملہ ہوندا ہے ایں سانگے پیشی توں ہک ڈینھ پہلے ہی وفاقی حکومت دے چیف کمشنر تے آئی جی عدالتی حکام نال رل تے ایں حوالے نال ایس او پیز طے کیتے ہن جیں کوں تحریری صورت اچ جاری کیتا گیا ہے ایں سانگے انہاں دی حیثیت عدالتی احکامات وانگوں ہے ۔خمیس کوں اسلام آباد اچ احتساب عدالت داے بارہوں صحافیاں نال گالھ مہاڑ کریندے ہوئیں وزیر مملکت مزید ڈسیا جو مذکورہ ایس او پیز دے مطابق کمرہ عدالت اچ سماعت دے دوران ساریں توں ودھ گنجائش صحافیاں سانگے رکھی گی ہے تاں جو او عوام کوں ساری صورت حال ڈسا سگن ۔صحافیاں دے بعد وکیلاں تے پراسیکیوشن ٹیم تے ساریں توں گھٹ گنجائش سیاسی کارکناں سانگے رکھی گی ۔انہاں آکھیا جو کہیں وی سیاسی رہنما دے نال صرف کجھ کارکناں ہی کمرہ عدالت اچ ونجنڑ دی اجازت ڈتی گی ۔
