اسلام آباد ۔ 03 اکتوبر (اے پی پی) وزیر مملکت امور داخلہ طلال چوہدری آکھیا ہے جو نواز شریف پارٹی صدر بنڑ گے ہن تے آندے الیکشن اچ چوتھی واری وزیراعظم بنڑ ویسن ۔ ذوالفقار علی بھٹو دی ترمیم انہاں دی جماعت کڈھنڑ دی کوشش کیتی ،آمراں دی ترمیم ختم کرنڑمسلم لیگ ن دا نصیب ہے ،جمہوریت دے خلاف ساز کرنڑ آلے وختی بے نقاب تھی ویسن ۔سازشاں نال نواز شریف کوں کڈھیا نی ونج سگدا ،انہاں آکھیا جو شیخ رشید کوں لکھی ہوئی درخواست کتھوں آندی ہے ایندا وی پتہ ہے ۔اساکوں او سیاست کرنڑیں چاہیدی ہے جیں اچ ”ن“ نہ ہووے ‘ انہاں کوں ن لیگ قبول کیتا ہے لیکن ن کوں مائنس کرنڑ چاہندے ہن ۔منگل کوں اتھاں کنونشن سنٹر اچ مسلم لیگ ن دی مرکزی جنرل کونسل دے اجلاس دے موقع تے صحافیاں نال گالھ مہاڑ کریندے ہوئیں انہاں آکھیا جو سارے جمہوری ملکاں اچ جمہوریت تے واضح قانون ہن ۔قانون اچ ترمیم دا حق جمہوریت ڈتا ہے ۔ترمیم دے بعد جیرھا قانون بنڑیا ہے ایجھے قانون دی دنیا اچ مثالاں موجود ہن ۔کوئی ایجھی ترمیم کائنی کیتی گی جیرھی جو ڈوجھے جمہوری ملکاں اچ موجود نہ ہووے ۔ذوالفقار علی بھٹو دی ترمیم انہاں دی جماعت کڈھنڑ دی کوشش کیتی سیاسی معاملات کو ں سیاست تک ہی رکھیا ونجے ۔
