اسلام آباد ۔ 31 اکتوبر (اے پی پی) صدر مملکت ممنون حسین آکھیا ہے جو سری لنکا پاکستان دا نیڑے دا یار ملک ہے تے ڈوہیں ملکاں وچال تجارتی حجم اچ مزید ودھارے دی ضرورت ہے ۔اے گالھ انہاں سری لنکا اچ پاکستان دے نامزد ہائی کمشنر میجر جنرل (ر) شاہد احمد حشمت نال گالھ مہاڑ کریندے ہوئیں آکھی جنہاں منگ کوں ایوان صدر اچ صدر مملکت نال ملاقات کیتی۔ صدر مملکت آکھیا جو سرمایہ کاری دے شعبے اچ سری لنکا دے نال ودھ سارا تعاون کیتا ونجے تے اتھاں دے سرمایہ کاراں کوںپاکستان اچ سرمایہ کاری دی تر غیب ڈتی ونجے تاں جو پاکستان تے سری لنکا وچال تعلقات کوں بیا ودھارا تھیوے ۔انہاں آکھیا جوپاکستان سارے مذہب دے لوکاں کوں آزادی حاصل ہے ایں سانگے پاکستان تے سری لنکا وچال مذہبی سیاحت کوں ودھارا ڈتا ونجے ۔
