اسلام آباد ۔ 25 اکتوبر (اے پی پی) وفاقی وزیر نیشنل ہیلتھ سروسز ریگولیشنز اینڈ کوآرڈینیشن سائرہ افضل تارڑآکھیا ہے جو موجودہ حکومت عوام کو ںصحت دیاں سہولتاں ڈیونڑ سانگے پر عزم ہے ۔ اپنڑے ہک انٹر ویو اچ انہاں آکھیا جو موجود ہ حکومت پاکستان کوں پولیو توں پاک کرنڑ سانگے پر عزم ہے ۔انہاں آکھیا جو وزارت صحت ایں مہلک مرض دے خلاف موثر اقدامات کیتے ہن ۔پولیو دا خاتمہ ہک قومی مسئلہ ہے جیں سانگے وفاقی تے صوبائی حکومتاں رل تے کم کریندیاں پن ۔انہاں آکھیا جو ڈو قسم دے وائر س ختم کر ڈتے گے ہن تاں جو ہک حالی باقی ہے جیں دے خاتمے سانگے اقدامات کریندے پیوں ۔وزیر صحت آکھیا جو بین الاقوامی ادارے ملک توں پولیو دے خاتمے سانگے مالی مدد کریندے پن ۔سائرہ افضل تارڑ آکھیا جو پولیو دے خاتمے سانگے اساں ساریں کوں رل تے کم کرنڑاں چاہیدا ہے ۔
