اسلام آباد ۔ 12 اکتوبر (اے پی پی) وفاقی وزیر موسمیاتی تبدیلی سینیٹر مشاہداللہ خان آکھیا جو موسمیاتی تبدیلی دے نتیجہ اچ واقع تھیونڑ آلی تباہ کاریاں اتے انہاں نال نبڑنڑ دی ترغیباں بارے آگاہی ڈیونڑ ضروری اے۔اقوام متحدہ پاروں دنیا اچ ہر سال 13اکتوبر کوں منائے ونجنڑ آلی آفتاں اچ گھٹکی گھن آونڑ سانگے عالمی ڈینھ بارے میڈیا نال گالھ مہاڑ کریندیں ہوئیں مشاہد اللہ خان آکھیا جو عالمی سطح تے ماہرین ولوں تصدیق کیتی گئی اے جو لوکاں دی جاناں اتے انہاں دے ذریعہ معاش کوں موسمیاتی تباہ کاریاں دے اثرات توں بچاونڑ سانگے مختلف تکنیک بارے آہی ڈیونڑ اہم قدم اے۔انہاں آکھیا جو اےں بارے عالمی ڈینھ ہر سال 13اکتوبر کوں منایا ویندے،ایں سال اے ڈینھ آفتاں توں محفوظ گھر،نقل مکانی توں نجات دے موضوع دے تحت منایا ویندا پئے۔
