اسلام آباد ۔ 12 اکتوبر (اے پی پی) وزیراعظم شاہد خاقان عباسی نال جاپان دے سفیر تاکاشی کورائی ملاقات کیتی۔وزیراعظم آفس ولوں جاری بیان دے مطابق وزیراعظم آکھیا جو جاپان پاکستان دا دوست اتے قابل اعتماد معاشی سانجھے دار اے،پاکستان دے اقتصادی حالات اتے امن و امان اچ نشابر بہتری آئی اے،امن و امان قانون نافذ کرنڑ آلے اداریاں دے کامیاب کاروائیاں دا نتیجہ اے۔ڈو پاسہ تعلقات تے زور ڈیندیں ہوئیں وزیراعظم شاہد خاقان عباسی آکھیا جو پاکستان جاپان نال تعاون کوں ودھاونڑ دی خواہش رکھیندے۔جاپان دے سفیر پاکستان اچ اقتصادی ترقی کوں سراہندیں ہوئیں آکھیا جو جاپان اچ پاکستان دا تصور بدل گئے ،ہنڑ جاپان دے لوک پاکستان کوں کاروبار دوست ملک دے طور جانڑدن۔
