اسلام آباد ۔ 20 اکتوبر (اے پی پی) وزیر داخلہ احسن اقبال نال برطانوی ہائی کمشنر تھامس ڈریو ملاقات کیتی جئیں اچ ڈوہیں ملکاں وچال آپسی دلچسپی دے معاملیاں تے گالھ مہاڑ کیتی گئی۔جمعہ کوں وزارت داخلہ توں جاری بیان دے مطابق وزیرداخلہ آکھیا جو پاکستان اتے برطانیہ وچال پرانڑے اتے تریخی تعلقات ہن ،پاکستان اتے برطانیہ دے امن تے سلامتی بارے سانجھے فائدے ہن ۔وزیرداخلہ پاکستان اتے برطانیہ وچال نالج گیٹ وے بنڑاونڑ تے زور ڈیندیں ہوئیں آکھیا جو نالج گیٹ وے نال پاکستان دے طلباءتے طالبات کوں برطانیہ اچ اعلیٰ جامعات اچ پی ایچ ڈی ڈگری حاصل کرنڑ دے موقع ملسن،پاکستان دے باصلاحےت نینگراں کوں تعلیم دے چنگے موقع ڈیونڑ پہلی ترجیح اے۔
