اسلام آباد ۔ 19 اکتوبر (اے پی پی) وزیر مملکت کیڈ ڈاکٹر طارق فضل چوہدری ولوںوفاقی دارالحکومت اچ ایمبیسی روڈ تے درختاں دی کٹائی دا نوٹس گھننڑ تے سی ڈی اے رپورٹ پیش کر ڈتی ہے ۔سی ڈی اے وزیر مملکت کوں پیش اپنڑی رپورٹ اچ ڈسایا ہے جو ایمبیسی روڈ تے ٹریفک دا دباﺅ ودھنڑ پاروں ٹریفک ودھ ساری متاثر تھیندی پئی ہے ،ٹریفک دے مسلے دے حل سانگے ایمبیسی روڈ دی توسیع ناگزیر تھی گی ہئی ۔سی ڈی دے ماسٹر پلان اچ ایمبیسی روڈ دی توسیع دا واضح پلان تے زمینی گنجائش موجود ہے ۔ماضی اچ ایندی سڑک تے بہوں سفارت خانے قائم ہن تے مستقبل دی ٹریفک ضرورتاں کوں سامنڑے رکھیندے ہوئیں ایں سڑک کوں وسیع کرنڑ دی گنجائش رکھی گی ہئی تے اتھاں درخت لا ڈتے گے ہن ۔سی ڈی اے ولوں ڈسایا گیاجو سڑک کوں توسیع ڈیونڑدا پلان ادارہ ماحولیاتی تحفظ توں منظور شدہ ہے ۔سڑک کوں ودھاونڑ سانگے ہر کٹے گے درخت دے بدلے 8-10فٹ اچے ڈا ہ درخت لاتے ویسن انہاں وڈے درختاں دی خریداری سانگے سڑک دے تعمیراتی بجٹ اچ باقاعدہ رقم رکھی گی ہے ۔
