اسلام آباد۔ 26 اکتوبر (اے پی پی) وفاقی وزیر داخلہ پروفیسر احسن اقبال آکھیا جو پاکستان ارتقائی دور توں لنگھدا پئے ،2018ئے اچ ڈوجھی وار پر امن انتقال اقتدار ہک سنگ میل اے،آندے انتخابات آزادانہ،شفاف اتے منصفانہ تھیسن،اقتصادی استحکام سانگے سیاسی استحکام ضروری اے،ملکی ترقی سانگے سیاستداناں،فوج،عدلیہ اتے میڈیا کوںمثبت سوچ نال اگوں ودھنڑاں پمسی،ہک ڈوجھے تے اعتماد نال دشمن دے مذموم عزائم کوں ناکام بنڑایا ونج سگدے۔اے گالھیں انہاں خمیس کوں پی آئی ڈی اچ صحافیاں نال غیر رسمی گالھ مہاڑ کریندیں ہوئیں آکھی۔انہاں آکھیا جو پاکستان ارتقائی دور توں لنگھدا پئے،ملک گزریل67سالیں اچ کئی اُچ جھک ڈٹھی اے،دنیا یقین کر گھدا ہئی جو پاکستان اندرلے طور تضادات دا مجموعہ اے اتے اتھاں مستحکم جمہوری نظام نی چل سگدا جڈانجو پہلی واری گزریل جمہوری حکومت آپنڑے پنج سال پورے کیتے اتے دنیا کوں ڈساونڑ اچ مدد ملی جو پاکستان سیاسی طور میچور تھی گئے جڈانجو 2018ءاچ انتقال اقتدار دی منتقلی ہک اہم سنگ میل ہوسی۔
