اسلام آباد ۔ 25 اکتوبر (اے پی پی) وفاقی وزیر موسمیاتی تبدیلی مشاہد اللہ خان آکھیا ہے جو صنعتی ملکاں کوں استعداد سازی دے سلسلے اچ ترقی پذیر ملکاں دی مدد کرنڑیں چاہیدی ہے ۔انہاں اے گالھ منگل کوں اتھاں اقوام متحدہ دی ایشیا تے بحر الکاہل بارے علاقائی ڈائرےکٹر ڈیچن تسرینگ نال ملاقات دے دوران آکھی جنہاں وفاقی وزیر موسمیاتی تبدیلی مشاہد اللہ خان نال اتھاں انہاں دے دفتر اچ غیر سگالی ملاقات کیتی جیں دے دوران وفاقی وزیر آکھیا جو اساں پگھلدے ہوئے گلیشیئرز نال ودھ سارا خطرہ ہے۔ انہاں گلیشیئرز دی وجہ توں عالمی حدت ہے ۔ وفاقی وزیر وفد کو ں ڈسایا جو صنعتی دنیا کوں انہاں سارے ترقی پذیر ملکاں دی استعداد سازی دے سلسلے اچ ودھ ساری مدد کرنڑیں چاہیدی ہے جیرھا جو صنعتی سرگرمیاں دی قیمت چکیندے پن تے اساکوں ترقی آلے ملکاں نال ایں ضمن اچ نا انصافی دے خلاف ہر فورم تے آواز چاونڑیں چاہیدی ہے ۔ ڈیچن تسرینگ ڈسایا جو سابق امریکی صدربراک اوباما دے دور اچ شروع کیتی گی گلوبل اسیسمنٹ فیسلیٹی دے تحت بہوں سارے فنڈز ڈتے ہن ۔انہاں وفاقی وزیر موسمیاتی تبدیلی مشاہد اللہ خان کوں کینیا دے دارلحکومت نیروبی اچ دسمبر دے شروع اچ تھیونڑ آلے اقوام متحدہ دی اسمبلی دے اجلاس اچ شرکت دی دعوت ڈتی جیں اچ ودھدی ہوئی آلودگی تے غور کیتا ویسی جیں دا تعلق ترقی دے اہداف توں ہے ۔ ملاقات اچ سیکرٹری وزارت موسمیاتی تبدیلی اتے ڈائرےکٹرجنرل ماحولیات عرفان طارق وی موجود ہن۔
