اسلام آباد ۔ 02 اکتوبر (اے پی پی) وزیر مملکت بیرسٹر محسن شاہ نواز رانجھا آکھیا ہے جو سابق وزیر اعظم محمد نوازشریف دے عدالت اچ پیش تھیونڑ دے بعد چیل دی دی بیماری دا بہانہ بنڑا تے باہرلے ملک بھج ونجنڑ آلے وی عدالتاں اچ پیش تھیون ۔سنوار کوں احتساب عدالت دے باہروں میڈیا نال گالھ مہاڑ کریندے ہوئیں انہاں آکھیا جو اج دی سماعت دے دوران فرد جرم کائنی لاتی گی تے آندی سنوار دی تاریخ مقرر کیتی گی ہے ،آندی سماعت تے فرد جرم دی کاروائی کوں اگی تے ودھایا ویسی ۔انہاں آکھیا جو مریم نواز اور کیپٹن (ر) صفدر وطن واپس آونڑ سانگے تیار ہن تے عدالت کوں اے طلاع ڈتی گی ہے جو او والدہ دی بیماری پاروں پیش کائنی تھی سگیے ۔انہاں آکھیا جو او پاکستان آسن تے عدالتاں دا سامنڑاں کریسن تے آندی تاریخ تے عدالت اچ پیش تھیسن ۔انہاں آکھیا جو نواز شریف دی استثنیٰ دی درخواست تے بحث کائنی تھی نہ ہی اساڈے وکیل ایں بارے عدالت کوں آکھیا ہے ،آندیاں پیشیاں تے فیصلہ کیتا ویسی محسن شاہ نواز رانجھا آکھیا جو میں ہک چیز ضرور ڈساونڑ چاہنداں اے ،جمہوریت ،اساڈی جماعت ،پاکستان دے نظام تے عدلیہ دی کامیابی ہے جیں عدلیہ سانگے اساں قربانی ڈتی اساں ایں نظام سانگے کہیں ڈکٹیٹر وانگوں اے کائناں کریسوں اساں عدالت توں بھج ونجوں بلکہ اساں سامنڑاں کریسوں ۔انہاں آکھیا جو اساڈا دامن صاف ہے اساں کہیں قسم دی کوئی کرپشن کائنی کیتی ایں سانگے اساکوں کہیں چیز دی کوئی گھبراہٹ کائنی اساں سامنڑاں کریسوں ۔
