اسلام آباد ۔ 27 اکتوبر (اے پی پی) سپیکر قومی اسمبلی سردار ایاز صادق آکھیا ہے جو کشمیری عوام دی تحریک حق خود ارادیت کوں بندوق دے زور تے دبایا نی ونج سگدا ،مسئلہ کشمیر ہک فلیش پوائنٹ ہے جیرھا جو نہ صرف خطے بلکہ پوری دنیا دے امن سانگے ہک مستقل خطرہ ہے ،عالمی براداری کوں مسئلے دے وختی حل سانگے اپنڑاں کلیدی کردار ادا کرنڑاں چاہیدے ۔انہاں اے گالھ مقبوضہ کشمیر تے بھارت دے غاصبانہ قبضے اتے بربریت دے خلاف منائے ونجنڑ آلے سیاہ دے موقع تے اپنڑے پیغام اچ آکھی ۔انہاں آکھیا جو کشمیری بھراواں نال اساڈا رشتہ صرف مذہب ، تہذیب اتے انسانی بنیاداں تے کائنی بلکہ سرحد دے ڈوہیں پاسے عوام وچال خون دا رشتہ ہے ، پاکستان اقوام متحدہ دی سلامتی کونسل دیاں قردارداداں دے تحت اتے کشمیری عوام دی امنگ دے مطابق مسئلہ کشمیر دے پر امن حل سانگے پر عزم ہے ۔پاکستان کشمیر دے مسئلے سانگے ہر عالمی فورم تے اپنڑی سفارتی تے اخلاقی حمایت جاری رکھیسی ۔
