سابق وزیراعظم کو ںروسٹرم تے سڈ تے ولا فرد جرم عائد کیتی گئی اے، روسٹرم تے آتے سابق وزیر اعظم دا بیان
چارے ریفرنسز دا فیصلہ 6 مہینیاں اچ کریسن ، ویلا مقرر نہ کیتا ویسی، عدالت، ریفرنسز دی بئی سماعت 15نومبر تئیں ملتوی
اسلام آباد ۔ 08 نومبر (اے پی پی) حتساب عدالت نے لندن فلیٹس, العزیزیہ سٹیل ملزاتے فلیگ شپ انوسٹمنٹ ریفرنسز کو ں کرنڑ توں متعلق سابق وزیر اعظم محمد نوازشریف دیاںدرخواستاں مسترد کرڈتن ۔ سماعت دے موقع تے سابق وزیر اعظم محمد نواز شریف ،انھاں دی صاحبزادی مریم صفدر اور کیپٹن (ر)محمد صفدر وی عدالت اچ پیش تھئے۔۔ فاضل جج نے سابق وزیراعظم کوں روسٹرم تے سڈ تے ولا فرد جرم وی عائد کیتی۔ محمد نواز شریف نے صحت جرم توں انکار کریندے ہوئے چارج شیٹ تے دستخط کیتن۔روسٹرم تے آتے سابق وزیر اعظم آکھیا جو انھاں کوں سیاسی انتقام دا نشانہ بنڑایا ویندا پیا اے، فیئر ٹرائل دا حق پامال کیتاگیا، ریفرنسز بد نیتی تے مبنی ہن، جے 6 مہینیاں اچ چار ریفرنسز دا فیصلہ ڈیونڑاں اے تاں الا ڈڈھ مہینے دا ویلا ہک ریفرنس کےتے مقرر کر ڈیوو، 6 مہینے داوقت گھٹ اے۔ فاضل جج نے ریمارکس ڈتے جو چارے ریفرنسز دافیصلہ 6 مہینیاں اچ کریسن ، وقت مقرر کائیناں کیتا ویسی ۔ عدالت نے ریفرنسزدی مزید سماعت 15نومبر تئیںملتوی کر ڈتی اے۔
