اسلام آباد ۔ 17 نومبر (اے پی پی) چیئرمین سینیٹ میاں رضا ربانی آکھیا ہے جو این ایف سی ایوارڈ دا اعلان نہ کرنڑاں غیر آئینی ہے ۔حکومت کوں این ایف سی ایوارڈ اچ توسیع سانگے سینیٹ توں اجازت گھننڑیں ہوسی ۔سینیٹ کوں صوبیں دے حصے اچ ودھارے دا آئینی اختیار حاصل ہے ۔جمعے کوں ایوان بالا دے اجلاس اچ سینیٹر سسی پلیجو اتے سینیٹر اعجاز دھامرہ دے توجہ ڈیواﺅ نوٹس دے جواب اچ این ایف سی ایوارڈ دے معاملے تے رولنگ ڈیندے ہوئیں چیئر مین آکھیا جو 9 واں این ایف سی ایوارڈ اوی جاری ہوونڑاں ہے۔ آخری این ایف سی ایوارڈ دا اعلان 2010ءاچ کیتا گیا ہئی۔ وزیراعظم وی این ایف سی ایوارڈ جاری کرنڑ دی یقین دہانی کرائی ہئی۔ صدر مملکت کوں ایں سلسلے اچ اپنڑاں کردار ادا کرنڑاں چاہیدے ۔ انہاں آکھیا جو ڈوجھا بجٹ وی این ایف سی ایوارڈ دے بغیر گزریا ۔2015توں 9واں این ایف سی کمیشن بنڑا ڈتا گیا جیرھا جو اج موجود ہے ۔ ہر پنج سال بعد صوبیں کوں انہاں دا حصہ فراہم کرنڑ آئینی تقاضا ہے ۔ چیئرمین سینیٹ ہدایت کیتی جو رولنگ دی کاپی صدر مملکت، وزیراعظم، وزیر خزانہ، وزیر قانون، وزرائے اعلیٰ، چیف سیکرٹریاں تے صوبائی اسمبلیاں کوں وی پٹھی ونجے ۔
