اسلام آباد ۔ 23 نومبر (اے پی پی) سارے ملک اچ عید میلا د النبی ﷺ دے حوالے نال تیاریاں زور شور نال جاری ہن ،ملک دے چھوٹے وڈے شہراں تے وستیاں اچ شہری عید میلا النبی دے حوالے نال تیاریاں کریندے پن ۔شہراں تے وستیاں اچ عید میلاد النبی دے حوالے نال سجاوٹ دیاں چیزاں جیں اچ بینرز، بیج، سٹیکرز، جھنڈے اتے بیاں متعلقہ چیزاں شامل ہن ، انہاں دی وکامت اچ ودھارا ڈیکھنڑ اچ آیا ہے ۔بال ودھ ساری دلچسپی دے نال عید میلا النبی دیاں تیاریاں کریندے پن ۔اے چیزاں ویچنڑ آلے دکاندار ڈسایا جو کاروبار اچ وادھا تھیا ہے ۔ عید میلادالنبی دے موقع تے شہری اپنڑے گلی محلے کوں مختلف چیزاں نال سجا کراہیں پیغمبر اسلام حضرت محمدﷺ دی ولات دا جشن منیندے ہن ۔
