اسلام آباد ۔ 10 نومبر (اے پی پی) وزیراعظم شاہد خاقان عباسی اتے چیف آف آرمی سٹاف جنرل قمر جاوید باجوہ چڑی کوٹ سیکٹر اچ لائن آف کنٹرول دا دورہ کیتا۔ وزیراعظم آزاد کشمیر راجہ فاروق حیدر وی ایں موقع تے موجود ہن ۔ جمعے کوں آئی ایس پی آر ولوں جاری بیان دے مطابق جنرل آفیسر کمانڈنگ وزیراعظم کو ںلائن آف کنٹرول تے صورتحال، بھارت ولوں سیز فائر دیاں خلاف ورزیاں کریندے ہوئیں شہریاں کوں نشانہ بنڑاونڑ تے پاک فوج ولوں پیشہ وارانہ انداز اچ منہ بھن جواب ڈیونڑ سانگے بریفنگ ڈتی ۔وزیرا عظم بے گناہ شہریاں کوں نشانہ بنڑاونڑ دی بھارتی غیر پیشہ ورانہ اپروچ د ی مذمت کریندے ہوئیں آکھیا جو پاکستان کشمیری عوام دی منصفانہ جدو جہد سانگے اپنڑے اخلاقی ،سفاتی تے سیاسی حمایت جاری رکھیسی ۔بھارتی گولہ باری نال شہید تھیونڑ آلے خانداناں تے زخمیاں نال ملاقات کریندے ہوئیں وزیراعظم انہاں دے حوصلے تے عز م کوں سراہیا ۔وزیراعظم شہیداں تے زخمیاں دے خانداناں سانگے مالی امداد اچ ودھارے دا اعلان کیتا ۔ چیف آف آرمی سٹاف بھارتی گولہ باری نال ہک لت توں محروم تھیونڑ آلی گھٹ عمر دی چھوہر کوں مصنوعی لت لاونڑ سانگے اینکوں وختی اے ایف آئی آر ایم منتقل کرنڑ دی ہدایت کیتی ۔بعد اچ وزیراعظم فوجی نینگراں نال وی ملیے ۔انہاں مادر وطن دے دفاع تے آزاد کشمیر دے عوام دے تحفظ سانگے پاک فوج دی خدمات تے قربانیاں کوں سراہیا ۔وزیر اعظم آکھیا جو دنیا اچ فوج پاکستان دا کوئی ثانی کائنی ۔ایندے توں پہلے وزیراعظم اتے چیف آف آرمی سٹاف دی آمد تے کمانڈر راولپنڈی کور انہاں دا استقبال کیتا۔
