اسلام آباد ۔ 27 نومبر (اے پی پی) وزیر دفاع انجینئر خرم دستگیرخان خادم الحرمین شریفین شاہ سلمان بن عبدالعزیز دی دعوت تے 5رکنی وفد دے نال اسلامی ملکاں دے انسداد دہشت گردی بارے فوجی اتحاد دے پہلے اجلاس اچ شرکت کیتی جیرھا جو سعودی عرب دے دار الحکومت ریاض تھیا ۔۔ اجلاس دی صدارت ولی عہد محمد بن سلمان کیتی۔ اجلاس دے دوران وزیردفاع دہشت گردی اتے شدت پسندی دی لعنت دے خاتمے سانگے شراکت داری دے قیام دے سلسلے اچ سعودی قیادت دیاں کوششاں دا اعتراف کیتا۔ انہاں دہشت گردی دے خلاف عالمی کوششاں اچ پاکستان دے کلیدی کردار تے گالھ بات کیتی انہاں کوششاںبارے ڈسایا تے وڈے پیمانے تے جانی ومالی ضیان دے باوجود مسلسل عزم دا اعادہ کیتا۔ وزیر دفاع انجینئر خرم دستگیر خان انسداد دہشت گردی دے پاکستان دی کامیاب اپریشن دا ذکر کیتا تے اجلاس د ے شرکا تے منتظمین کو ںانسداد دہشت گردی سانگے جامع نیشنل ایکشن پلان بارے اچ ڈسایا جو ایں شعبے اچ پاکستان دی مہارت بارے ڈسایا ۔ انہاں آکھیا جوپاکستان انسداد دہشت گردی دے چارے وڈے ڈومین بارے اپنڑے تجربے تے صلاحیت نال آئی ایم سی ٹی سی فورم کوں ڈساونڑ سانگے تیار ہے ۔ انہاں پاکستان ولوں تعاون دی پیشکش کیتی جیں دا مقصد انہاں ملکاں دی درخواست تے رکن ملکاں دی انسداد دہشت گردی دی صلاحیت اچ وادھا کرنڑاں ہے ۔ واضح رہے جو آئی ایم سی ٹی سی 34 ملکاں دا اتحاد ہے جیرھا جو سعودی عرب ولوں دسمبر 2015اچ بنڑایا گیا ہئی۔ ایں اچ ہنڑ تئیں ست اسلامی ملک رل گے ہن۔ عالمی دہشت گردی دے خاتمے سنگے پاکستان دے نشابر کردار تے قائدانہ کردار دے ادراک اچ سابق چیف آف آرمی سٹاف جنرل(ر) راحیل شریف کوں مارچ2017اچ ایں فوجی اتحاد دا کمانڈرانچیف مقرر کیتا ہے۔
