اسلام آباد ۔ 06 نومبر (اے پی پی)دفتر خارجہ دے ترجمان ڈاکٹر فیصل آکھیا ہے جو پاکستان ہر قسم دی دہشت گردی نال نبڑنڑ سانگے پرعزم ہے ۔سنوار کوں دفتر خارجہ توںجاری بیان دے مطابق ترجمان آکھیا ہے جو فنانشل ایکشن ٹاسک فورس (ایف اے ٹی ایف) ہک بین الاقوامی ادارہ ہے جیرھا جو منی لانڈرنگ تے دہشت گردی سانگے فنانسنگ دے انسداد متعلق معیارات دا تعین کریندا ہے تے سارے ملکاں ولوں انہاں معیارات تے عمل در آمد سانگے چاتے ونجنڑ آلے اقدامات دا جائزہ گھندا ہے او حال اچ ہی اجنٹائن اچ ایف اے ٹیا یف دے منعقد ہک اجلاس متعلق سوال دے جواب اچ اظہار خیال کریندے پے ہن ۔بیونس آئرس اچ منعقدہ ایف اے ٹی ایف دے اجلاس دے موقع تے انٹرنیشنل کوآپریشن ریویو گروپ اچ جاری کارروائی دے دوران ایف اے ٹی ایف معیارات دے نفاذ دے حوالے نال پاکستان ولوںمسلسل پیشرفت کوں سراہا گیا ۔ ایں صورتحال دے برعکس تصویر کشی پاکستان کوں بد نام کرنڑ دی مذموم سیاسی حکمت عملی دی عکاس ہے۔
