اسلام آباد ۔ 13 دسمبر (اے پی پی) وزارت انسانی حقوق ولوں ڈسایا گئے جو انسانی حقوق دیاں خلاف ورزیاں دا شکار غریب لوکوں دی قانونی مدد کیتے ہک وقف فنڈ قائم کیتا ویندا پئے۔ ضلعی سطح تے انسانی حقوق دی صورتحال دی نگرانی کیتے وی ضلعی انسانی حقوق کمیٹیاں بنڑائیاں ویندیاں پین۔ قومی اسمبلی اجلاس اچ وقفہ سوالاں ویلھے وزارت انسانی حقوق ولوں لکھیے ہوئے جواب اچ ڈسایا گئے جو ڈاہ کروڑ روپے دے خرچ نال انسانی حقوق دیاں خلاف ورزیاں دا شکار غریب لوکوں دی قانونی مدد کیتے ہک وقف فنڈ قائم کیتا ویندا پئے۔ جڈاں جو ضلعی سطح تے انسانی حقوق دی صورتحال دی نگرانی کیتے وی ضلعی انسانی حقوق کمیٹیاں بنڑائیاں ویندیاں پین۔ ایں توں علاوہ انسانی حقوق دے حوالے نال مخلت مسئلیاں نال نمٹنڑ کیتے قومی ادارہ برائے انسانی حقوق قائم کیتا گئے جیندے تے پنج کروڑ 80 لکھ روپے لاگت آئی اے۔
