اپنڑا سفارتخانہ مقبوضہ بیت المقدس منتقل نہ کریسوں، فلپائن

منیلا ۔ 27 دسمبر (اے پی پی) فلپائنی وزرات خارجہ آکھیے جو او اپنڑا سفارت خانہ مقبوضہ بیت المقدس منتقل نہ کریسن۔ایں توں پہلے اطلاعات ہن جو فلپائن وی اسرائیل اچ اپنڑا سفارتخانہ تل ابیب توں مقبوضہ بیت المقدس منتقل کرنڑ آلے ڈاہ ملکاں اچ شامل اے۔جرمن خبررساں ادارے موجب فلپائنی وزارت خارجہ اپنڑے بیان اچ آکھیے جو اسرائیل ولوں فلپائنی حکومت توں اینجھا کوئی مطالبہ نئین کیتا گیا، مشرق وسطیٰ دے دوست ملکاں تے اے واضح کیتا گئے جو فلپائنی حکومت اینجھی کہیں تجویز تے عمل نئیں کریندی پئی۔ فلپائنی وزارت خارجہ ہک واری ول اسرائیل اتے فلسطینیاں وچال ڈو ریاستی حل دی لوڑھ تے زور ڈتے۔