اسلام آباد ۔ 5 دسمبر (اے پی پی) جاری سیزن دے دوران پاکستان توں مختلف ملکاںکوں کینو دی برآمدشروع تھی گئی۔ آل پاکستان فروٹ اینڈویجیٹیبل ایکسپورٹرز/امپورٹرز اینڈ مرچنٹ ایسوسی ایشن مطابق 1دسمبر توں گھن تے ہنڑ تئیں روس ، فلپائن ، سری لنکا، انڈونیشیاء، سنگاپور، سعودی عرب، کینیڈا ، موریشس ، بنگلہ دیش ،ملائیشیاءاتے یو اے ای کوں تقریباً20 ہزار ٹن کینو دی کھیپ بھجوا ڈتی گئی ہے۔ ایسوسی ایشن دے مطابق جاری سیزن دے دوران 2 ملین ٹن توں ودھ کینو دی پیداوار متوقع ہے۔ ایسوسی ایشن دے مطابق گزریل سیزن وچ کینو دی برآمدات دا ہدف پورا کائناں کیتا ونج جا سگیا ہا اتے کینو دی برآمدات دا حجم 2لکھ 80 ہزار ٹن توں ودھ رہیا۔ 2014-15ءوچ 3لکھ 75ہزار ٹن کینو دیاں برآمدات تھئیاں۔ 2015-16ءوچ ا یہ حجم 3لکھ ٹن رہیا ۔ ذرائع مطابق روسی اتے ایرانی مارکیٹ وچ کجھ مسئلیاںدی وجہ کنوں کینو دیاں برآمدات دا ہدف حاصل نی کیتا ونج جا سگیا،اگر انہاں مسئلیاں کوں حل کیتا ونجے تا ںکینو دیاں برآمدات دا حجم ودھایا ونج جا سگدے ۔
