وزیراعظم شاہد خاقان عباسی القدس شریف بارے او آئی سی سربراہ اجلاس اچ شریک تھیسن
کانفرنس اچ امریکی انتظامیہ ولوں امریکی سفارتخانہ کوں یروشلم کوں منتقل کرنڑ دے اجوکے فیصلے تے غور کیتا ویسی
وزیراعظم شاہد خاقان عباسی فلسطینی برادر عوام سانگے پاکستان دی حکومت اتے عوام دے جذبات پجیسن
اسلام آباد ۔ 11 دسمبر (اے پی پی)وزیراعظم شاہد خاقان عباسی القدس شریف بارے او آئی سی سربراہ اجلاس اچ شریک تھیسن جیڑھا جو 13دسمبر کوں ترکی دے شہر استنبول اچ تھیندا پئے ۔دفتر خارجہ ولوں سنوار کوں جاری بیان دے مطابق سربراہ اجلاس توں پہلے وزراءخارجہ کونسل دا اجلاس تھیسی جئیں اچ وزیرخارجہ خواجہ محمد آصف شریک تھیسن۔کانفرنس اچ امریکی انتظامیہ ولوں امریکی سفارتخانہ کوں یروشلم کوں منتقل کرنڑ دے اجوکے فیصلے تے غور کیتا ویسی۔وزیراعظم شاہد خاقان عباسی فلسطینی برادر عوام سانگے پاکستان دی حکومت اتے عوام دے جذبات پجیسن۔
