مظفر آباد۔ 15 دسمبر (اے پی پی) وزیراعظم شاہد خاقان عباسی آکھیا جو پاکستان مسلم لیگ(ن) دی حکومت آپنڑی مدت پوری کریسی اتے کارکردگی دی بنیاد تے عوامی تائید نال 2018ءدے عام انتخابات اچ ہک واری ولا حکومت بنڑیسی،کہیں سازش توں ڈر کائنی،پاکستان مسلم لیگ(ن) دی حکومت دے اقدامات پاروں الحمدللہ پاکستان بجلی اچ خودکفیل تھی گئے ،ایں ویلھے اساڈی بجلی دی صلاحےت طلب توں ودھ اے،مختلف منصوبیاں اتے زیر تکمیل منصوبیاں پورے تھیونڑ دے بعد پاکستان 2030ءتئیں بجلی دی پیداوار اچ خود کفیل رہسی،مسلم لیگ(ن) دے ساڈھے چار سالیں دا موازنہ 2002ءتوں گھن کراہیں 2013ءتئیں بنڑنڑ آلے حکومتاں دے کم توں کیتا ونجے۔او جمعہ کوں 147 میگاواٹ پترنڈ ہائیڈرو پاور پراجیکٹ دی افتتاحی تقریب توں خطاب کریندے پئے ہن ۔ایں موقع تے آزاد کشمیردے صدر سردار مسعود خاں، وزیراعظم راجہ فاروق حیدر، وفاقی وزیر امور کشمیر تے گلگت بلتستان برجیس طاہر، چیف سیکرٹری آزاد کشمیر، آزاد کشمیر قانون ساز اسمبلی وزراءسمیت پترنڈ ہائیڈرو پاور پراجیکٹ دے اعلیٰ حکام موجود ہن ۔
