اسلام آباد ۔ 21 دسمبر (اے پی پی) وزیراعظم شاہد خاقان عباسی دی زیر صدارت نیشنل کمانڈ اتھارٹی دا اجلاس تھئے جیندے اچ نیشنل کمانڈ اتھارٹی پاکستان دی کہیں وی قسم دی جارحیت نال نبٹنڑ دی صلاحیت تے مکمل اعتماد دا اظہارکریندے ہوئیںگھٹ توں گھٹ دفاعی صلاحیت دی پالیسی تے چلنڑاتے ہتھیاراں دی دروک اچ نہ رلنڑ دا عزمدوہریندے ہوئیںجوہری سلامتی دے تحفظ کیتے اقدامات تے اطمینان دا اظہار کیتے۔ اجلاس اچ وزیر دفاع، وفاقی وزیر برائے داخلہ، چیئرمین جوائنٹ چیفس آف سٹاف کمیٹی، چیف آف آرمی سٹاف، چیف آف نیول سٹاف، چیف آف ایئر سٹاف، ڈائریکٹر جنرل سٹرٹیجک پلانز ڈویژن، ڈائریکٹر جنرل انٹر سروسز انٹیلی جنس، سیکرٹری خارجہ اموراتے بئے اعلیٰ حکام شرکت کیتی۔ نیشنل کمانڈ اتھارٹی کوں سٹرٹیجک انوائرمنٹ بارے جامع بریفنگ ڈتی گئی۔اجلاس سلامتی صورتحال دا جائزہ گھدا اتے تشویش کیتی جو پاکستان دے کجھ ہمسائے عدم استحکام دے متعلق اقدامات پاروں جنوبی ایشیا اچ تزویراتی استحکام کوں برقرار رکھنڑ دا مقصد پورا نئیں تھیندا،انہاں اچ وڈے پیمانے تے ہتھیراں دی دروک بحرہند خطہ کوں ایٹمی ہتھیاراں نال بھرنڑ اتے بی ڈی ایم دی تیاری و تنصیب دے منصوبے شامل ہین۔ نیشنل کمانڈ اتھارٹی قومی دفاعی صلاحیتاں کوں مضبوط بنڑاونڑ کیتے سائنسداناں اتے انجینئرز کوں مبارکبادڈتی اتے بابر تھری ایس ایل سی ایم اتے ابابیل میزائل سسٹم دے تجربات دے دوران سامنڑے آونڑ آلی ٹیکنالوجیکل دی مہارت کو ں سراہے۔اجلاس اچ عزم کیتا گئے جو پاکستان ہک ذمہ دار جوہری ملک ہوونڑ پاروں نیوکلیئر سکیورٹی اتے جوہری عدم پھیلاﺅ سانگے عالمی کوششاں اچ بامقصد کردار جاری رکھسی۔ نیشنل کمانڈ اتھارٹی زور ڈتے جو پاکستان خطہ اچ امن بقائے باہمی دا خواہش مند اے اتے جنوبی ایشیاءاچ تزویراتی استحکام یقینی بنڑاونڑ کیتے ہمسایہ ملکاں نال رل تے کم کریسی۔اجلاس کوں نیشنل سپیس پروگرام 2047ءاتے بجلی دی ودھدی ہوئی لوڑھ پوری کرنڑ کیتے نیوکلیئر پاور پروگرام تے بریفنگ ڈتی گئی۔اتھارٹی نویں ابھردے شعبیاں اچ سپیس پروگرام دی صلاحیت، وسائل دی پیداوار یقینی بنڑاونڑ تے زورڈتے۔
