قانون نافذ کرنڑ آلے اداریاں دے اہلکاراں مادروطن دے تحفظ سانگے بہوں قربانیاں ڈتن،اساں انہاں دے ہر قطرہ خون دے قرض دار ہیسے،پوری قوم انہاں قربانیاں کوں بہوں قدر نال ڈیکھدی اے،وزیراعظم شاہد خاقان عباسی دی شہید اے آئی جی اشرف نوردے ٹبر نال ملاقات اچ گالھ مہاڑ اسلام آباد ۔ 29 دسمبر (اے پی پی) وزیراعظم شاہد خاقان عباسی آکھیا جو قانون نافذ کرنڑ آلے اداریاں دے اہلکاراں مادروطن دے تحفظ سانگے بہوں قربانیاں ڈتن،اساں انہاں دے ہر قطرہ خون دے قرض دار ہیسے،پوری قوم انہاں قربانیاں کوں بہوں قدر نال ڈیکھدی اے۔او دہشت گرداں دے حملے اچ شہید تھیونڑ آلے شہید اے آئی جی اشرف نوردے ٹبر نال ملاقات اچ گالھ مہاڑ کریندے پئے ہن جنہاں جمعہ کوں وزیراعظم آفس اچ انہاں نال ملاقات کیتی۔آئی جی اشرف نور 24نومبر2017ءکوں آپنڑی گاڈی تے دہشت گرداں دے بزدلانہ حملے اچ شہید تھی گئے ہن۔
