اسلام آباد ۔ 25 دسمبر (اے پی پی) دفتر خارجہ دے ترجمان آکھیے جوپاکستان کلبھوشن یادیو دی زال اتے ماءنال ملاقات دا وعدہ پورا کرڈتے،ملاقات انسانی ہمدردی دی بنیاد تے کرائی گئی،کمانڈر یادیو پاکستان اچ بھارتی دہشت گردی دا اصل چہرہ اے،بھارت کوں قونصلر رسائی ڈیونڑ دا فیصلہ ملکی مفاد اتے قانون دے مطابق کریسوں،کلبوشن یادیو اتے اوندی ماءملاقات کراونڑ تے پاکستانی حکومت،عوام اتے دفتر خارجہ دا شکریہ اداکیتے۔ترجمان دفتر ڈاکٹر محمد فیصل بھارتی جاسوس کلبھوش دی زال اتے ماءدی ملاقات توں بعد میڈیا بریفنگ اچ ڈسائے جو بھارتی جاسوس،دہشت گرد اتے تخریب کار بھارتی نیوی دے حاضر سروس آفیسر کلبھوش یادیو کوں پاکستان اچ جاسوسی،دہشت گردی اتے تخریبی سرگرمیاں اچ ملوث ہوونڑ تے موت دی سزا سنڑائی گئی اے۔بھارتی جاسوس عدالت اچ مجسٹریٹ کوں سندھ اتے بالخصوص بلوچستان اچ دہشت گرد کارروائیاں دا اعتراف کیتے۔ تحقیقات اتے مقدمہ مکمل تھیونڑ تے پاکستان خالصتاً انسانی ہمدردی دی بنیادتے بھارت کوں یادیودی زال نال ملاقات دی پیش کش کیتی ہئی۔بھل بھارت ماءدی مالقات کیتے درخواست کیتی جیندے تے ڈوہائیںکوں ملوایا گئے۔دفتر خارجہ اچ تھیونڑ آلی ملاقات ویلھے اسلام آباداچ بھارتی ڈپٹی ہائی کمشنر جے پی سنگھ وی موجود ہن بھل انہاں کوں یادیو نال گالھ کرنڑ یا سنڑن دی اجازت نئیں ڈتی گئی اور صرف کلبوشن کون ڈیکھ سگدے ہن۔ترجمان آکھیے جو یادیو دی ماءکوں ملاقات دی اجازت اسلامی تعلیمات اتے انسانی ہمدردی پاروں ڈتی گئی۔ترجمان آکھیے جو بھارتی ایماءتے کمانڈر یادیودیاں کارروائیاں کئی مائیں ،دھیریں اتے پتراں توں محروم کرڈتے۔ترجمان واضح کیتے جو کلبوشن کوں قونصلر رسائی ڈیونڑ دا فیصلہ ملکی مفاد اتے قانون دے مطابق ہی کیتا ویسی۔ ہک سوال دے جواب اچ انہاں آکھیے جو کلبوشن دی زال اتے ماءملاقات توں بعد مطمئن ہن،اے ملاقات 30 منٹ تئیں رہی جیکوں کلبوشن دی درخواست تے ڈاہ منٹ بیا ودھایا گئے۔ یادیو دی ماءملاقات کراونڑ تے پاکستانی حکومت،عوام،دفتر خارجہ اتے پوری ٹیم دا شکریہ اداکیتے۔ملنڑ توں بعد کلبوشن دی زال، ماءاتے بھارتی ڈپٹی ہائی کمشنر لگے گن جتھو او اسلام آباد توں مسقط روانہ تھی گن۔
